HINDI mapakali na inilibot ni Moira ang tingin sa paligid. Pagkatapos nang renewal of vows ng mga magulang sa Sancturio Del Sto. Cristo Church sa San Juan ay dumiretso sila dito sa Villa Tamara para sa reception.
Patuloy ang masayang selebrasyon pero wala doon ang atensiyon niya. Muli niyang inilabas ang cell phone at tinawagan si Slater, out of coverage area pa rin ito. Nag-aalala na siya, mula pa kahapon ay hindi niya ito ma-contact at hindi rin ito sumipot ngayon.
Huli niyang nakasama si Slater ay noong nagdinner sila sa Robinson’s Galleria. Nagkikita naman sila sa school pero halos hindi sila nakakapag-usap. Bihira din nitong sagutin ang mga text at tawag niya. Naisip niyang busy ang binata sa transition of duties at pagre-review para sa exam nito next month, kaya hindi rin niya it
