MABIGAT ang pakiramdam ni Moira nang pumasok siya sa ospital. Buong gabi siyang hindi pinapatulog sa pag-iisip ng mga sinabi ni Perrie. Nagtatalo ang isip niya kung ano ang gagawin. Ilang beses man niyang sabihin sa sarili na hindi siya masisisi ng kahit na sino kung magmatigas siya kay Slater, sa huli ay alam niyang mas malaki ang punto ni Perrie – magkatrabaho sila ni Slater, kaya sa ayaw o gusto niya ay kailangan niya itong pakitunguhan ng maayos, kahit man lang kapag nasa ospital sila.
Napahikab siya habang hinihintay ang pagbukas ng elevator. Tinatamad talaga siyang kumilos ngayon. Kung sabagay wala naman siyang masyadong gagawin, itsi-check lang niya ang ilang mga pasyente nila na hindi stable ang kondisyon at pagkatapos ay maaari na siyang bumalik sa quarters at maghintay na lang
