"SIGURADO bang pupunta ka?" tila diskumpiyado pang tanong ni Kaye kay Moira.
"Ang kulit mo, pupunta nga ako. Actually I'm on my way na nga." Kausap niya ang kaibigan habang nagmamaneho siya patungo ng Antipolo.
Mula pa kanina ay panay ang tawag ni Kaye sa kanya para kulitin siyang pumunta sa birthday celebration ng ward officer nilang si Colonel Gaurano. Wala naman talaga sana siyang balak pumunta, pero hindi na siya nakatanggi nang ang mismong celebrant na ang tumawag sa kanya. Hindi rin naman siya nakalusot dahil alam ng matanda na sa OPD siya nakaduty kanina, at bukas ay off pa niya.
Pagkatapos ng duty kanina ay dumaan lang muna siya sa condo para maligo at magbihis. Hindi na siya nagdala pa ng extra na damit dahil wala naman siyang balak na mag-swimming o mag-overnight doon.
"Eh,
