Marahang iminulat ni Rowella ang mga mata. Hindi pa man niya nagagawang kumilos ay ramdam na niya ang pananakit ng kanyang buong katawan. Iyong uri ng sakit na parang pinagtulungan siyang bugbugin ng isang grupo ng tambay sa kanto.
Nang tingnan niya ang sarili ay hindi niya na ikinagulat na hubo't hubad siya sa ilalim ng makapal na comforter. Malinaw sa kanyang ala-ala ang lahat ng nangyari kagabi. She made it again with Chino.
Pero hindi katulad noong una na wala siya sa tamang huwisyo nang ibigay niya ang sarili rito, last night ay sariling choice niya na iyon. Kusang bumigay ang katawan niya rito. Hindi siya nito pinilit. Well... wala naman talagang pilitang nangyari kahit noong unang beses na may nangyari sa kanila.
Tumingin siya sa espasyo sa kanyang tabi. Wala na roon si Chino.
