Kapansin pansin ang hindi pagkikibuan nina Chino at Rowella kinabukasan. Habang kumakain ay nagtataka ang mga tinging ipinukol sa kanila ng mga kasama sa dining. Pero walang sino man ang may naglakas loob upang mag-usisa.
Si Rowella ay nakatutok sa kanyang plato. Panay ang subo. Si Chino ay ganoon din. Pagkatapos ng almusal ay kanya kanya rin sila ng alis sa upuan. Ni hindi nag-abalang tingnan ang isa't-isa. Si Chino ay muling umakyat ng silid. Pagbalik ay bitbit na ang laptop nito. Nagtungo ito sa may verandah at doon ay pumuwesto kaharap ang laptop. Maya-maya pa ay abala na ito sa pag check sa email ng mga sales report sa naiwan nitong negosyo sa Maynila.
Si Rowella naman ay pilit na inaliw ang sarili sa makipaglaro sa mga bata sa likod ng bahay, malapit sa may garden kung saan ay may
