Salbahe sa silong
NAISIP ni Carlos na sa silong na lamang matulog gabi-gabi.
"Hindi ko masasakote ang tarantadong 'yon kung sa itaas pa ako manggagaling. Sa hagdanan pa lang ay makikita na agad ako. Baka kapag minamalas-malas ay maunahan pa akong pabulagtain. Hindi ako makapapayag na ninakaw ko na lang ay mananakaw pa sa akin. Hindi ako tangang kagaya ni Milencio. Iba ako. Ibang-iba!" May kahambugan nitong pangangatwiran sa sarili.
Pinalinis niya kay Luisa ang papag na gagawing tulugan.
"Isisin mong maigi ang papag ko. Tiyakin mong walang mga kwitib na namamahay sa mga gilid niyan. Baka kapag tinulugan ko na 'yan ay papakin ako ng mga hayop na langgam diyan. Mga lintik ang animal na 'yan. Kay liliit pero ang sakit mangagat! Lagyan mo ng chlorox ang tubig na ipangbabanlaw mo. Tapos isi
