Gabrielle
Mahigit tatlong linggo na ang nakakalipas simula nung misteryosong nawala si Elle. Hanggang ngayon, nag aalala pa din ako. Damn it! Impossible na wala ni isa sa mga kabigan niya ang nakakaalam kung nasaan siya. Liban na lang kung napahanak siya. Nandito ako ngayon sa condo unit ko, may mga kukuhain lang sana ako pero nakita ko ang marriage certificate namin ni Elle.
Napailing ako at napahinga ng malalim habang pinagmamasdan iyon. “Nasaan ka na ba, Elle?” Pabulong kong tanong sa sarili ko.
Paano kung napahamak siya? Wala man lang nagawa, wala man lang ako sa tabi niya.
Napaangat ako ng tingin nung may marinig akong katok mula sa pintuan kaya dali kong binuksan yo’n, at doon bumungad sa akin si Amethyst. Araw araw siyang pumupunta dito, medyo naiinis na din ako sa kaniya.
