Chapter 73
Samantha
Maganda ang luntiang kapaligiran na kinaroroonan ko. Napapalibutan ito ng makukulay na bulaklak na siyang nagbibigay sigla sa animo malaparaisong lugar na kinalulugaran ko. Hindi ko maiwasang pumitas ng isang piraso ng bulaklak at samyuin ang kabanguhan niyon.
"Samantha!" napalingon ako nang may tumawag sa pangalan ko.
Kaagad na kumurba ang matamis na ngiti sa mga labi ko nang mapagtantong si Gian pala iyon. Akmang hahakbang na ko palapit sa kanya nang biglang dumilim ang paligid. Nawala ang luntiang paligid at ang mga bulaklak ay nagsimulang magsilagas at mamatay!
"G-Gian..." kinikilabutang sambit ko nang makitang tila naging maputla siya sa aking paningin.
Mas nasindak ako nang makitang may likidong pula na tumulo mismo sa tapat ng dibdib niya. Kasabay niyon ang
