Chapter 59
"Nanay! Bakit may pulis?" takang tanong ko sa ina ko nang makauwi ako sa bahay galing sa mall.
Nadatnan ko kasing may mobile car sa labas ng bahay namin at kasalukuyang kinakausap nila si Papa.
"Dinakip ang Tito Dante mo. Napatunayan kasi ng Papa mo na siya pala talaga ang may ari ng mga ilegal na pasugalan at bentahan ng droga dito kaya kinakausap siya para kunan ng statement." sagot ni Nanay na tila nag-aalala.
"B-Bakit naman nagawa ni Tito ‘yon?" naitanong ko na lang dahil parang hindi ako makapaniwala.
Sa pagkakakilala ko sa kanya malumanay at animo hindi mukhang gagawa ng kalokohan dahil medyo may pagkaseryoso ito. Pero siguro nga hindi lahat ng nakikita ng mata ay totoo. Mapanlinlang. Iyon siguro talaga si Tito Dante. Hindi totoo ang mga ipinapakita niya. Parang anak
