Chapter 75
Samantha
"C-Charles bakit?" naguguluhang tanong ko sa kanya habang nanginginig na nagpapalipat-lipat ang tingin ko sa kanya at sa nakabulagtang bangkay ni Vince.
Ngumisi lang siya sa tanong ko.
"Hindi ba dapat lang sa kanya 'yan? Pasensiya ka na ginamit ko pa siya para lang mapapunta ka rito, masiyado ka na kasing busy kay Gian baka tanggihan mo ako kapag simpleng invitation lang ang ginawa ko." nakakalokong tugon pa niya at walang babalang muling ipinutok ang hawak niyang baril sa kawawang bangkay ni Vince. Ilang putok na mas nagpapawindang sa akin.
"Ahh! Tama na!" palahaw ko at napatakip sa magkabilang tenga ko sabay pikit ng mariin.
Pakiramdam ko mababaliw ako sa nasasaksihan ko. Patay na nga ang tao, binaboy pa niya? Ano bang nangyayari kay Charles? Sa isang iglap lang
