An exciting chapter for you, guys. Enjoy!
THE CEO’S GAME OF SEDUCTION
Chapter 40
SABIHIN NA LANG natin na hindi natuwa ang matalik niyang kaibigan na si Lunette nang umuwi ito at inamin niya ang mga nangyari sa loob ng walong araw mula nang magkrus muli ang landas nila ni Hendrikus.
Iyon ang mga pangyayari na hindi maikakaila ni Indira na nagpabago ng malaki sa karaniwang buhay na mayroon sila sa nakalipas na mga taon.
At nauunawaan niya kung ano man ang iniisip at naging initial reaction ni Lunette. Normal nga lang siguro iyon dahil pati ito at si Blade ay idinadamay ni Adalee sa kasalanan niya rito.
Lumipat ang tingin ni Indira mula sa kalsada patungo sa kanyang cellphone na umilaw. Patuloy pa rin na pinuputakte ni Hendrikus ng tawag at text messages ang kanyang numero. Ngunit ni i
