WALANG IBANG gustong gawin si Lucille kundi ang manatili lamang sa tabi ni Lucas. Doon sa kama sa kanyang condo ay magkatabi silang nakahiga, at sa simple yakap lang nito ay nakaramdam siya ng kasiguraduhan na ayos na ang lahat ng mga bagay— basta lamang ay hindi muna ito aalis sa tabi niya.
Hindi niya alam kung ilang oras na siyang nakadantay sa dibdib nito at nakayapos sa makisig na mga braso, wala siyang ibang naririnig kundi ang ang tunog ng kanilang paghinga, at ang t***k ng puso nito na para bang sinasabing siya lang ang tinatangi.
“Lucas…” pagkatapos ng mahabang katahimikan ay siya ang unang nagsalita.
“Hmm?”
Marahang iniangat ni Lucille ang mukha, kung saan ay sinalubong ng kanyang minamahal ang halos pumikit na niya mga mata. Patay ang ilaw sa loob ng kwarto, pero naaaninang n
