Hindi na Paaapi
DAHIL sa pagpigil na masaktan ang apong si Romer, hinawakan ni Mireng ang mga braso ng hipag. Pilit kinakalas sa tenga ng batang halos hindi na makahinga sa pag-iyak.
Nasaktan si Rosie. Binatawan si Romer subalit inilipat sa ulo ni Mireng ang mabibigat na kamay. Sinabunutan ito at kinaladkad. Ibinaling ang galit sa may sakit na hipag.
“Tama na, Ate. Tama na.” Pakiusap ni Mireng. Hawak lamang ang kamay ng hipag at hindi nanlalaban.
“Mga walang utang na loob! Pinatitira ko na lamang kayo’y nagagawa niyo pa ang mamerwisyo! Wala akong pakialam kung masunog kayong lahat, mga punyeta kayo! Isang kilong baboy lang ay baka hindi pa maluto kapag ginamit pang-barbeque ang kakapiranggot ninyong bahay na puro anay!” Pang-iinsulto ng matapobreng ginang.
Yumakap sina Romer at M
