Lason sa damdamin
ANG sinabi ng tinderang sinisingil ay sinabi naman ni Cristina kay Rosie.
“Oo nga pala! Nakalimutan ko kasi na nakabayad na nga pala ang babaeng ‘yon. Naalala ko na lang nang pumunta dito at nanghihiram uli ng puhunan.” Paliwanag ni Rosie nang sabihin niya ang nangyari sa ginawang paniningil.
“Hay naku, Lola! Tumatanda ka na nga. Makakalimutin ka na, e.” Maarteng sabi ni Bridgette habang nakatingin sa mga kukong nilalagyan ng kyutiks.
“Sige po, tutuloy na ako.” Paalam niya. Alam niyang nagsisinungaling ang matanda. Alam niya ang pagiging istrikta nito pagdating sa pera, kaya imposibleng makalimutang nagbayad na ang tindera. Hindi na nito pahihiramin ang nangungutang kung makunat at atrasado sa usapan. Tinatanggihan agad nito at hinihiya ang hindi makakasunod sa p
