Panibagong Pagsubok
MASAYA si Cristina sa nakikitang kaligayahan ng matalik na kaibigan. Ngunit kahit paano ay may naramdaman siyang pinong kurot. Minahal niya si Ronaldo. Ito ang kauna-unahang lalaking ginusto niya. Subalit sadya sigurong hindi sila para sa isa't isa. Si Regina ang higit na karapat-dapat sa isang lalaking tulad nito. Isang malambing at maalagang babae na may simpleng mga pangarap. Isang babaeng kahit mahirap lamang ay nagmula naman sa isang marangal na pamilya. Isang babaeng maipagmamalaki kahit kanino. Hindi ang isang tulad niyang bulok ang pagkatao.
Isang malalim na paghinga ang pinawalan niya mula sa naninikip na dibdib at pagkatapos ay itinuon na ang isip sa ginagawa.
Nagdaan pa ang mga araw, nakasanayan na ng mga tauhan sa junk shop ang pagsundo ni Ronaldo sa
