Mapait na nakaraan, Nagdurusang kasalukuyan
PATULOY sa pagwawala si Marites. Ipinipilit ang gusto. Pinaninindigang siya ang dapat masunod.
Sa loob ng bahay.
“Ate, baka masira ang gate ni Tatay Manding!'” Nag-aalalang sabi ni Mercedes. Nakatayo ito sa tabi ni Aling Nene at nakikita ang yuping dahon ng gate.
“Buksan na kaya natin ang gate para hindi na mag-ingay ang inay. Nakakahiya sa mga kapitbahay, Ate. Baka nagpapahinga na ang iba sa kanila.'” Singit naman ni Romer, nakatayo ito sa kabilang gilid ng aleng bahagyang namumutla.
Mapait ang naging ngiti ni Cristina, “Mabuti pa si Mercedes, ayaw masira ang gate ng Itay. Mabuti pa si Romer, inaalala ang mga kapitbahay. Mabuti pa sila, marunong mahiya. Pero ikaw Inay, kailan mo pa maiisip ang iyong mga pagkakamali? Hanggang kailan mo
