Paghanga sa Ama
NABURA ang masayang awra sa mukha ni Cristina pagkakita sa ina. Si Manding naman ay nakaramdam ng pagkailang sa paglapit ng babaeng dating minahal.
Makapal ang make-up ni Marites. Nakasuot ng damit na hanggang hita lamang ang haba, at hakab na hakab sa makurbang katawan. Halos lumuwa na ang magkabila nitong dibdib sa lalim ng ukab sa harapan. Tila nang-aakit kung tumingin at nilalaro ng dila ang pulang-pula mga labi.
Isang nanunukat na tingin ang ipinukol ni Cristina sa ina, mistulang babala.
Binalewala lamang ni Marites pananaway ng panganay na anak, at isang tusong ngiti ang iginanti. Tiim bagang na pinagmasdan ng dalaga ang babaeng nagluwal sa kanya. Nasa anyo ang pagkadismaya at disgusto na ito’y makita.
“Huwag kang madamot, Cristina. Huwag mong solohin ang gr
