PEACHY
NAPAPAKURAP AKO HABANG naglalakad pabalik sa dining area kung nasaan ay naroon ang mga Calientes at masayang kumakain. Hindi ko maipaliwanag ang aking nararamdaman matapos kong marinig ang sinabi ng ginang sa akin kanina sa banyo. Ibig sabihin ba niyon ay pakitang-tao lamang ang pagngiti niya sa akin? Para saan? Para magmukha siyang mabait sa kaniyang mga anak?
Huminga ako nang malalim at ngumiti na lamang saka pumasok ng dining area. Hindi ko hahayaan na makita ng ginang na apektado ako sa mga sinabi niya. Hindi ako tulad ng mga babaeng kaya niyang bayaran ng milyon para layuan ang anak niya dahil kahit walang milyon, kung ganiyan lang din naman magiging biyenan, huwag na lang.
Dumiretso na ako sa upuan na nasa tabi ni Raegan saka kinuha ang aking bag. Pakiramdam ko lalagnatin
