PEACHY
“PEACHY, OKAY KA LANG ba?” tanong ni Gillian na nakakapit pa sa aking braso. Nasa ibaba na kami ng building at nakatayo ilang metro ang layo mula sa binagsakan ni Laureen kanina. May mga pulis at medic na rin ang dumating upang kunin ang bangkay niya dahil base sa balita ay dead on the spot daw ito. Si Miss Carson naman ay kausap ang isa sa mga pulis na nag-iimbestiga sa nangyari samantalang si Lilith ay mataman lamang na nakatitig sa lugar na pinagbagsakan ng walang buhay na si Laureen.
Binalik ko ang tingin ko sa semento kung saan ay naroon pa ang mga bakas ng dugo ni Laureen na nagkalat. Mariin kong kinuyom ang kamao ko at tumingala sa rooftop saka tinitigan iyon nang mataman. Ito ang pangalawang beses na nangyari sa loob lamang ng ilang buwan.
Ano bang mayroon sa eskwelahan
