~Sky~
Kanina pa si Gabby sa washroom pero hindi pa din ito bumabalik. Pati si Storm ay umalis din at hanggang ngayon ay hindi pa rin bumabalik.
"Nasa'n na kaya 'yon si Gabby, gusto siya isayaw ng Daddy niya, eh," ani ni Tita Gretta. Hinahanap na nila si Gabby.
"'Di ba sabi niya ay sa washroom lang siya, baka ando'n pa," tugon naman ni Mommy. Kaya nagpasiya akong sunduin na lang ito.
Saktong liko ko na sana papunta ro'n sa washroom ay nakita ko sila ni Storm. Hawak ni Storm ang kamay ni Gabby at nagtungo sila sa labas.
"Come here my ibibigay ako sa 'yo." Hinila niya ito palabas hanggang makarating kami sa garden.
Nakaramdam ako ng inis sa nakita ko at magkahawak kamay pa talaga sila. Pero sinundan ko pa rin silang dalawa at nagtago lang ako sa likod ng halaman kung nasaan sila banda.
