"Maraming salamat, Chino, sa paghatid saka sa pagbisita sa mga kapatid ko kanina," wika ni Cassandra pagkababa niya sa motorsiklo ni Chino.
"Walang anuman, Cass. Masaya akong pagsilbihan ang pinakamagandang babae rito sa Isla El Cielo," nakangiting sabi sa kaniya ni Chino.
"Alam mo naniniwala na talaga ako kay Manang na bolero ka. As if naman may laban ako sa mga Alta rito," pabiro niyang sabi rito.
"Pera lang ang kulang sa'yo, Cass. Pero sa ganda, lamang na lamang ka sa kanila lalo na kapag pinahaba mo na iyang buhok mo," ani Chino na kumidat pa sa kaniya.
"Makapasok na nga at baka kung anong pambobola na naman ang sasabihin mo sa akin," natatawang sabi niya rito.
"Sige at ng makapagpahinga ka na rin. Alam kong pagod ka rin sa pagtatrabaho," concern na sabi nito sa kaniya. "Daan
