"Saan ka pupunta, Kuya?" tanong ni Yvonne kay Zander nang makita nito na bumalik ang kapatid.
"Kukunin ko lang damit ko sa kotse. Mauna ka na sa hotel room mo para makapagpahinga ka na," sabi ng binata rito.
"Okay!" tugon ni Yvonne.
Pagkalabas ni Zander ng elevator ay napansin niya ang kaniyang Mommy na papasok sa Hotel.
"Bakit kaya nandito si Mommy? Sabi niya siya muna ang magbabantay sa hospital," nagtatakang sabi niya sa sarili.
Nakita niya na nagmamadali ito at tila ba may hinahanap. Dahil sa kuryos siyang malaman ay palihim niyang sinundan ang ina. Nagtago muna siya habang papasok ito ng VIP elevator. Sumakay naman siya sa kabilang elevator nang makita niya kung saang floor iyon bumaba.
"Hindi siya nagtungo sa kaniyang hotel room. Saan kaya ang punta niya?" tanong niya sa
