Dambana ng Dambong
Pagdaong sa kabilang pampang ng ilog, sa isang di-pansining sulok ng daungan ng Lungsod Arguella, halos lumipad ang isang aninong lulan ng isang bangka. Ilang segundo lamang at naghubad ito ng ilang patong ng kaniyang damit. Sa isang liblib na bahagi na iyon ng pantalan ay mayroon pang isang aninong naghihintay sa nauna nang anino. Sa mga unang sandali na pagbangon ng mga unang sinag ng araw, mababanaag mula sa di-kalayuan na kapwa nagmamadaling kumilos ang dalawa. Maya-maya pa’y lumayo na sa paglakad ang isang anino na may bitbit na tila dalawang aluminyong sisidlan - sisidlan ng taho! - nagmamadali sa paglakad, tungo sa kung saan idinadaos ang flag-raising raising ceremony ng mga opisyales at empleyado ng Arguella City Hall tuwing Lunes ng umaga sa takdang oras ng 8:1
