Agad na gumuhit ang matagumpay na ngisi sa mga labi niya nang sa wakas ay makaupo siya sa trono ng Reyna. Agad na nagkasiyahan ang mga tauhan niya na nakapalibot sa kanya.
"Salamat sa inyong katapatan..umasa kayong lahat na bibiyayaan ko ang bawat isa sa inyo!"
Masaya ang lahat sa anunsiyo niyang iyun habang walang imik at takot na nakatingin lang ang mga kaalyado ng Reyna. Nginisihan niya ang mga ito.
"Mahal na Reyna..nasa labas ang apo ng manggagamot,"inporma sa kanya ng isang kawal na nagbabantay sa labas ng palasyo.
Agad na nakaramdam siya ng kasabikan ng malaman iyun.
" Sige..dalhin siya sa aking silid,"utos nya rito.
"Masusunod,mahal na Reyna!"
Nais ni Amir makompirma kay Prinsesa Rebeka kung totoo nga ang bali-balita na si Prinsesa Roisa ang pasamantalang uupo bilang Reyna ga
