CHAPTER THIRTY ONE
CINDY
PAGKABABA ng tawag ni Kate ay kaagad kong sinimulan ang paglilista ng mga kailangan kong bilhin. Aabonohan ko muna ang mga gastos. Naglista ako ng mga kakailanganin sa paliligo, pati mga bagong toothbrush. Mga alam kong magagamit nina Tita Cecil at pati na rin mga gagamitin ko sa paglilinis ng bahay.
Nang matapos ako ay nagpasya na akong lumabas ng bahay dala ang susi ng sasakyan ko. Habang sinasara ko ang gate ay napabaling ako sa kaliwa ko nang may kamay na tumulong sa akin para buhatin iyon. Si Rappy?
Pansin ko na tuwing umaga ay tinutulungan niya ako para doon. Parang naging routine na niya iyon. Siguro dahil lagi kaming nagkakasabay ng paglabas kaya lagi niyang napapansin na hirap ako sa pagla-lock ng gate.
"Good morning," bati niya pagkabaling ko sa kani
