CHAPTER FORTY FOUR
KATELYN
Hinilot ko ang sentido ko habang nakaupo sa swivelling chair at nakaharap sa computer. Pilit akong nagfo-focus sa trabaho kahit na ang totoo ay lutang na lutang ako. Ilang araw na akong ganito and I hate it.
"You should've slept all day yesterday, day off naman."
Napatingin ako kay Rappy nang bigla siyang nagsalita sa gilid ng cubicle ko at naglapag ng basong plastik na naglalaman ng kape. Napangiti pa ako nang makita ko ang logo ng paborito kong coffee shop sa plastic cup.
Sumandal ako sa sandalan at kinuha ang baso mula sa mesa. "Kinailangan kong ayusin ang garden."
"Garden talaga ang inintindi mo kahapon?" taas ang kilay niyang silip sa akin.
Umiwas ako ng tingin at uminom sa kape. Halos mapaso pa ako dahil sa init niyon.
"See," sabi niya nang mapansin
