CHAPTER SIXTY FOUR
KATELYN
Ilang araw na ang lumipas magmula nang huling beses kaming magkita ni Rappy. Nasa Pilipinas siya ngayon para dalawin sina Cindy at Mirko. Napakaswerte ng dalawa dahil isa na sila ngayon sa priority ni Rappy. Katulad ng pagiging mabuting asawa't ama niya sa amin ni Teddy, ngayon sa kanila na bumabawi at pinaparamdam ni Rappy ang ipinaradam niya sa amin noon. Inaamin ko na medyo nakakaselos, pero sino ba naman ako para magselos? Hiwalay na kami, at ngayon ay nilalakad na ni Rappy ang papeles para maging legal ito.
"Nakaka ilang buntong-hininga ka na, Anak?"
Napatingin ako kay Mama. Kasalukuyan kaming nagbe-bake ng banana bread at pinag-uusapan ang mga nangyari nitong mga nakaraang araw. Hindi ko napansin na panay na pala ang buntong-hininga ko.
"Wala po, 'Ma,
