CHAPTER FORTY SIX
KATELYN
Nagpasya si Tito Larry na kausapin ako sa bahay ko para sa privacy. Hindi na sumama si Rappy dahil baka raw mas mabuting kami lang na muna ang mag-usap. Sa katunayan ay mas gusto ko sanang nandito si Rappy, dahil kinakabahan ako sa kung ano man na gustong sabihin ni Tito Larry. Matagal ko nang alam na may alam si Jake tungkol sa ama ko, pero ni minsan ay hindi na ako nagtanong. Hindi ko naisip na gusto ko siyang makilala o makita. Kinamumuhian ko siya dahil sa ginawa niya kay Mama, at nadagdagan pa iyon nang malaman kong nadamay rin si Jake roon. Ganoon pa man ay ayoko namang hilingin kay Rappy na mag-stay. Bukod sa ayokong dumipende sa kaniya, ayoko ring mag-isip ng kung ano si Tito Larry tungkol sa amin. Ayokong isipin niyang nalimutan o pinagpalit ko kaagad a
