CHAPTER FORTY SEVEN
KATELYN
Hindi pa man humihinto ang sasakyan ay nilibot ko na kaagad ang paningin ko. Sa loob ng village ay halos magkakadikit ang mga bahay na hindi naman lahat ay may kalakihan. Sa ibang bahay ay halatang may karangyaan ang mga nakatira, habang sa ibang tahanan naman ay sapat na ang bahay na bato para masabing maayos naman ang pamumuhay ng may-ari, ngunit maliit lang ang mga ito. May mga mukhang apartments din dahil sa pagkakadikit-dikit ng iilang bahay na may mahahabang espasyo. Bukod sa mga bahay ay may mga puno rin at mga halamam na pumapalibot sa gilid ng kalsada. Ang village na tinirhan ngayon ng ama ko ay tila napakatahimik na lugar, payapa.
"Ano nga uli ang exact address number ng bahay?"
Napatingin ako kay Rappy na siyang nagmamaneho sa tabi ko. Tinotoo
