GLASE POINT OF VIEW
Halos madapa na ako katatakbo para hanapin kung nasaan si Krizza. Tanghali na akong nagising at halos hindi ko na naramdaman ang tubig nang maligo ako. Bakit ba kasi ako pumayag na uminom? Ito tuloy ako!
Baka mapagalitan ako nito ni Sir Kellix eh!
“Ate Lay! Ate Lay! Si Krizza po?” tanong ko kaagad pagkarating sa kusina. Nagliligpit na sila ng mga pinagkainan.
“Oh hija! Kumain ka muna, nasa labas si Sir at si Krizza,” saad ni ate Lay.
“Hindi po ba galit sa akin si Sir? Ahm, l-late na po k-kasi ako n-nagising,” ani ko. Ngumiti naman si Ate Lay at umiling.
“Hindi naman, saka sabi ni Ma'am Chaira mukhang nalasing ka talaga kagabi kaya ayos lang. Isa pa raw, siya naman daw kasi nagyaya sa'yong uminom. Kumain ka na pala hija. Saglit lang at ipapadala ko kay Honey an
