Chapter 38
AL'S POV
Pinagmamasdan ko si Raine habang nagmamaneho. Hindi ko lubos maisip na nagawa niyang pasabugin ang kotse na humahabol sa amin. Siya lang ang nakita kong nakagawa no'n.
Wala kang mababasang takot sa mukha nito. Parang sanay na siya sa mga ganoong sitwasyon na labis kong ipinagtataka. Ibang-iba sa Raine na nakilala ko na isang negosyante.
Animo'y bihasang-bihasa siya sa pakikipaglaban nang asintahin niya ang kotse. Hindi ako makapaniwala.
Pilit kong inaalala kung nakita ko na siya noon o kaya naman kung kaninong grupo siya kabilang. Sa angking galing niya malamang pag-agawan siya at kumbinsihing mapabilang sa grupo. Nakakabilib ang kakayahan ng batang ito.
Hanggang sa makarating kami sa bahay pinagmamasdan ko ang mga kilos niya. Nakita ko kung paano siya makipag-usa
