Chapter 33
RAINE'S POV
Matapos kong magpaalam kay Isabella, lumabas na ako ng gate. Isinara rin agad iyon nang makalabas na ako. Masama ang kutob ko sa limang bodyguard na kinuha ni Tito Al. Waring may ibang pakay sila maliban sa pagbabantay ng bahay ng mga del Mundo.
Tinawid ko ang kalsada at doon namataan ko ang kotseng naghihintay sa akin. "Ano, dude, nasa loob ba si Elinita?" kaagad na tanong ni Tooffer nang makapasok ako sa kotse niya.
"Wala doon. 'Yong mag-asawa lang ang nadatnan namin ni Isabella," sagot ko. Nagpalinga-linga ako para tingnan kung may nakasunod sa akin. Nang masiguro kong wala, sinenyasan ko si Tooffer na paandarin na ang kotse. "Ihatid mo ako sa hotel." Alam kong kanina pa naghihintay si Tita Monica.
"Dude, bakit sa hotel? Ayaw mo sa bahay mo?" Nakangisi ito na
