CHAPTER 13
Ala-siete na nang gabi pero nasa opisina pa si Gio. Deadline bukas ng project na hawak niya kaya gusto niyang matapos ito ngayong gabi. Ayaw niyang bukas pa siya maghahabol. Napahimas siya sa batok niya at pinisil-pisil ang mga balikat at braso niyang pagod na, sa maghapong pagharap at pagtipa sa computer.
Napatingin siya sa oras na nasa ibaba ng screen ng monitor niya. “Kukunin ko pa nga pala si Rain,” bulong niya sa sarili. Nag-inat siya at pinaputok ang mga daliri sa kamay bago nagsimulang magtrabaho uli. Konti na lang naman ay matatapos na niya ang ginagawa.
“Bukas mo na tapusin ‘yan or I’ll just extend your deadline,” nagulat siya nang biglang may nagsalita sa tabi niya. Ang alam niya kasi, ay siya na lang mag-isa sa floor nila.
“Nandito ka pa? Hindi ka pa umuuwi?” tan
