CHAPTER 59
“Kinakabahan ako kahit hindi naman ako ‘yung maglalaro,” sabi ni Lulu habang naglalakad sila papunta sa basketball court. Nasa St. Monica University sila kung saan ginaganap ang interschool competition. Huling laban na ito nina Leon at kapag nanalo sila, sila ang tatanghalin na champion sa basketball sa lahat ng school na kasali.
“Ang ganda no’n,” bulong ni JB sa kanya nang may makasalubong silang grupo ng mga babaeng estudyante. “Sino’ng type mo Gio?” tanong ni JB sa kanya habang nakalingon sa mga babaeng lumagpas na sa kanila.
“Hindi ko nakita. Hindi ko natingnan ‘yung mga mukha. May maganda ba?” Si Leon ang laman ng isip niya kaya hindi niya napansin ang mga babaeng nakasalubong nila. Excited siyang makita itong maglaro ngayon dahil hindi sila nakapanood ng laban nito kah
