CHAPTER 70
Wala na sa paningin niya si Leon nang magbago ang isip niya. Kapag nakipaghiwalay siya kay Leon, hindi na niya ito makikita, makakausap at makakasama, hindi tulad ni Vicky. Hindi man niya masamahan ngayon ang kaibigan, marami pa namang panahon para makabawi siya rito. Kalahating taon pa ang pagsasamahan nila bago sila makatapos ng high school at baka nga sa iisang university lang din sila mag-college dahil hindi na niya itutuloy ang pag-aaral niya sa Manila. Naisip lang naman niyang mag-aral sa Manila nang dahil kay Leon.
Humawak siya sa kanyang tiyan at nagkunwaring masakit ito. Halos malamukos ang mukha niya para lang magmukhang makatotohanan sa harap ni Vicky ang pag-arte niya.
“Nangyari sa ‘yo?” tanong ni Vicky na nakawahak pa rin sa kanyang braso.
“M-masakit. Masakit an
