CHAPTER 33
Maingat na binuksan ni Gio ang pintuan ng bahay nila gamit ang dala niyang susi. Nang umalis siya kanina papuntang terminal ay patulog na ang mga magulang niya kaya nagdala siya ng susi upang hindi na niya mabulabog ang pagtulog ng mga magulang.
"Kumain ka na ba?" tanong niya kay Vicky habang papasok sila.
"Hindi pa nga. Mamong tustado lang na nakakahirin ang kinain ko kanina nabili ko sa terminal ng bus. May ulam pa ba kayo? Gutom na 'ko." Napahawak sa tiyan niya si Vicky. Tumunog pa ito na ikinatawa nilang dalawa.
"Pati tiyan mo nagsasalita na. May Tinola pa d'yan. Buti na lang hindi ko pinapasok sa ref. kay Inay. Naisip ko kasi na baka hindi ka pa kumakain. Init mo na lang, ipapanik ko lang muna 'tong mga gamit mo sa kwarto. Ikaw nang bahala d'yan." Dahil matagal na sil
