UNTI-unti akong bumitaw sa pagkakayakap n’ya at ngumiti sa kan’ya habang hawak-hawak pa rin ang basong may laman na tubig. Buti na lang at hindi siya natapunan at baka magtaka pa siya kung bakit siya’y nabasa. Hehe.
“Ah, Premo? Nanaginip ka pa ba o ‘di naman kaya nagsle-sleep walk? Sana kapag naalala mong nagkita tayo sana isipin mong hindi ako magnanakaw ng tubig, ha? Humingi naman ako sa ‘yo, eh, bye!” nagmamadali kong saad, mabilis kong ibinalik ang baso at pitsel ng tubig sa refrigerator nila atsaka kumaripas ng lakad pabalik ng kuwarto ko.
Bakit naman kasi may pagyakap na? Wala namang ganoon kahit nagsle-sleep walk! Hindi naman ako teddy bear! Paano na lang kapag may nakakita sa min doon ‘di ba? Pagkamalan pa akong nilalandi si Premo!
Ay, naku! Hindi ako malandi, slight lang!
Si
