HINDI na ako sumagot pa at sa halip ay tinulungan ko na nga siyang makatayo. “Ingat, bakit kasi umalis ka pa sa kuwarto mo? Pwede ka namang mag-utos, eh. Ang dami n’yong kasama rito sa bahay, aanhin ‘yon kung hindi hihingan ng tulong ‘di ba?” sabi ko habang inaakbay na ang kaliwa n’yang kamay sa leeg ko habang ang kanan kung kamay ay nakasuporta sa likod n’ya.
nasusubsub.
“Dahan-dahan lang tayong dalawa kasi baka imbes na gumaling ka sa lagnat mo ay hindi na lang kasi masusubsub pa kita,” bulong ko na naman hanggang sa unti-unti na nga kaming maayos na nakakahakbang pasakay ng elevator.
“Ang init mo talaga, uminom ka na ba ng gamot?” usisa ko na naman sa kan’ya. Bakit kasi hindi siya sumasagot? Nakakapipi ba ang lagnat ngayon? Nakakaintindi naman siguro siya ng tagalog ano? Sumagot nam
