Halos lahat ay abala dahil sa papalapit na University Week, lalo na si Joyce na naatasang gumawa ng report sa ilang sport na napunta sa kaniya. Medyo matrabaho pero handa naman si Joyce na gawin lahat ito.
Ang magazine nila ngayon ay mga picture and interview sa mga atleta. Dahil kaunti lang sila, tulong-tulong na muna sila sa paggawa ng newspaper at kukuha na lang ng para sa magazine kapag nakompleto na nila ang lahat.
Bago mag-umpisa ang University Week ay pinatawag muna sila ni Miss Debbie at napagpasyahan na igrupo sila. Badminton, sepak takraw, at volleyball ang napunta sa team niya. Hindi sila puwedeng sumali dahil nga ito ang gagawin nila, at ayos lang naman iyon sa dalaga.
Marunong namang maglaro si Joyce, lalo na sa volleyball at chess. Kaya lang hindi siya nakapag-ensayo katu
