LUMIPAS ang isang linggo. Hanggang sa naging isang buwan at inabot pa ng tatlong buwan. Naghihintay pa rin si Mina kay Calvin. Pero wala, hindi pa rin nagpapakita ang asawa niya sa kanilang mag-ina.
Hindi tumatawag ang mga magulang ni Calvin sa kanya. Ang inaasahan niyang ipapaalam sa kanya ang resulta ng ginawa nilang imbestigasyon ay hanggang ngayon ay wala pa. Nawawalan na siya ng pag-asa. Nakatira pa sila sa malaking bahay ni Calvin. Hindi na niya alam kung saan pa kukunin ang panggastos nila sa araw-araw.
"Nanay Emelita, plano ko pong lumipat na lamang sa bahay nina nanay. Hindi ko na po kayang i-maintain itong malaking bahay. Alam niyo naman pong wala akong trabaho. At ang mga negosyo ng asawa ko ay hindi sa akin napupunta ang pera," malungkot na sabi ni Mina sa matandang babae na
