MAKALIPAS ang isang linggo, bumalik sa normal ang buhay nina Totoy at Mina. Patuloy pa ring nagtitinda ng isda si Mina sa palengke. At ang mga lalaking nambastos sa kanya ay naging ilag at hindi na siya ginulo pa.
Hindi rin nakadalaw si Xander sa kanya. Naiisip niya, paano kaya kung sumama siya sa kapatid sa Manila? Ano kayang magiging reaksiyon niya kapag muling nakita ang ama.
"Ate Mina, bakit hindi ka po sumama sa kapatid mo? Okay lang naman po ako rito. Kaya ko na po ang sarili ko," biglang nasabi ni Totoy.
"Hindi kita piwedeng iwan dito. Sa akin ka inihabilin ng nanay mo. Puwede ba naman na pabayaan kita? E, 'di minulto ako 'non," sagot ni Mina na idinaan sa biro.
Natawa na rin si Totoy. "Hindi naman po siguro magagalit si nanay. Ang dami mo ng naitulong sa akin. Nag aaral ako nan
