PAGKARATING nila sa bukid ay ipinarada na ni Coult ang dalang sasakyan sa kung saan kaunting lakad na lang ang gagawin nila ni Tita Jho. Siya pa rin mismo ang nagbitbit ng basket na may lamang mga pagkain. Tinahak nila ang isang daan na may magkabilang palayan muna na may makipot na daan para makarating sila sa bandang unahan.
Abala pa ang mga magsasaka na nakalusong pa sa palayan para magtanim ng palay. Sa isang malaking puno ng Accasia sila huminto ni Tita Jho na may isang malaking lamesang pahaba na gawa sa kawayan.
Natanaw niya na mayroon na rin ibang mga kababaihan na naghahain ng mga pagkaing dala naman ng mga ito para sa mga asawa nila o kaya'y kamag-anak na kasalukuyan rin nagsasaka roon. Malayo pa sila ay natawag na agad ang pansin ng mga ito sa kanila, sapagkat lahat ang mg
