HUMINTO sila ni Charles sa harap ng isang magarang bahay. Sa tagal na niyang nagpapabalik-balik sa lugar na ito ay ni minsan ay hindi siya nakarating mismo rito. Hanggang doon lamang siya sa bungad kung saan may nakatirik na maliit na kubo.
Sinong mag-aakala na may magarang bahay na nakatirik sa pinaka loob ng liblib na pribadong lote na ito? Kaninang inaya siya ni Charles na may pupuntahan sila ay ang buong akala niya ay sa ibang lugar siya dadalhin nito. Ngunit nagtaka siya ng imbes na palabas sila ng lugar na iyon ay ang tinahak nilang daan ay mismong papasok pa sa loob.
Nagtataka man kung saan siya nito planong dalhin ay nagpatianod na lamang siya. At bumungad nga sa kaniya ang isang malawak na bakuran na may nakatirik na hindi ganoong kalakihang bahay na may pinaka terrace sa hara
