Katulad ng pagtigil ng oras sa mga napapanood kong teleserye, tila huminto rin ang paggalaw ng paligid ko. Kung ilang oras na akong nakatulala ay hindi ko na rin alam. I’ve honestly lost track of time.
Hindi pa rin lubos na nagsi-sink in sa utak ko ang mga nangyari kani-kanina lang. Kahit nga ang gutom na kanina’y bumabagabag sa isip ko, ngayon ay para bang bigla na lang nawala. Hindi ko akalain na ang matiwasay kong pagkakape ay mauuwi sa hindi ko inaasahang pangyayari sa pagitan naming lima.
Ayaw akong lubayan ng mga narinig ko, lalung-lalo na ng mga katagang binitiwan ni Albus. Kung paano niya itinangging hindi siya ang ama ng anak ko . . . na nagkakamali lamang ako.
Pero kung totoo man ang sinasabi niyang hindi nga siya ang lalaking ‘yon? Sinong—
“Was that true?”
Na
