KAKAUNTI pa lamang ang mga taong nasa stadium ng umagang 'yon habang inaayos na sa arena ang mga gagamiting equipment at para na rin sa mga final checking. Dumeretso na ang buong team ni Demi sa likod upang doon na lamang maghintay para sa laban nila. It was almost a week game, kaya hangga't may makukuha silang pagkakataon na makapagpahinga ay agad niyang sinasabihan ang mga manlalaro na kunin na 'yon.
Baka wala pa man sila sa pinakahuling araw ay pagod na ang mga ito dahil sa pressure at kakulangan ng tulog. Naroon naman sila ni Iliana upang umalalay sa mga ito kung sakaling magkaaberya at mukhang nakatulong din ang sandaling pakikipag-usap niya kay Simon kagabi dahil mas maayos na ang hitsura ng mukha at mood nito noong batiin siya kanina.
Lumapit siya kina Miles na noo'y kakaiba ang
