CHAPTER 90
SA MAGKASUNOD na dalawang araw ay nagpatuloy ang pamamasyal nina Lavi at Kirsten sa iba't ibang pasyalan sa Japan. Sinulit nila ang mga araw na nanatili sila roon na sila lamang dalawa dahil hindi naman agad nakakasama ang kanyang pamilya isa pamamasyal. Hindi naman sumama ang kanyang loob dahil naiintindihan naman niya na kailangan talaga magtrabaho muna ng kanyang Daddy at mag aaral ng kanyang mga kapatid.
Tuwing gabi naman ay nag-uusap-usap sila kung ano ang mga nangyari sa pamamasyal nila ni Lavi. Tuwang-tuwa ang kanyang mga magulang sa tuwing kinukwento nilang dalawa rito ang mga napuntahan nila.
"Mabuti naman at na-enjoy ninyo `yung pamamasyal ninyo. Nag-aalala kasi kami ng mommy mo na baka hindi kayo mag-eenjoy dahil nga hindi kami kasama," wika pa ng Daddy ni Kirsten
