CHAPTER 76
NAKAPATONG ANG mga braso ni Lavi sa glass railings habang nakatanaw lang siya sa mga taong naglalakad sa ibabang parte ng mall. Ang isip niya ay lumilipad at naiisip kung ano ang nakita niya sa mukha ni Kirsten nang makita si Anthony. May kirot kasing gumapang sa puso niya nang makitang bumalatay ang pag-aalala nito para sa dating nobyo at nasaktan siya doon. Kahit kasi siya ay nagulat sa kung anon a ang itsura ni Anthony na halatang napabayaan nito ang sarili at paniguradong dahil iyon sa break-up nito at ni Kirsten.
Humugot si Lavi nang malalim na hininga dahil pilit niyang kinakalma nag sarili. Hindi naman siya selosa. Ayaw niya sa ganoong klaseng pag-uugali kaya naman pinipigilan niya ang sarili na maging ganoon. Pero kanina, hindi niya maiwasan na makaramdam ng pagseselos
