CHAPTER 71
NANG ARAW na iyon ay sabay na nagtungo sa opisina sina Lavi at Kirsten. Parang walang nangyaring pagtatampo si Kirsten na naramdaman dahil hindi siya binitiwan ni Lavi. Nakahawak lang ang kamay nito sa kaniya at kahit na pinagtitinginan sila ay wala itong pakialam. Ayos lang din naman sa kaniya dahil kahit siya ay wala rin paki sa sasabihin ng iba.
"Good morning, Miss Lavi." Ang ilang mga empleyado ay binati ang nobya.
"Good morning," bati naman ni Lavi sa mga ito. Tumingin pa sa kaniya ito saka ngumiti.
Kahit siya ay binati rin kaya gumanti rin siya. Magaan ang pakiramdam niya ngayon dahil okay sila ni Lavi. Lihim siyang nananalangin na sana ay ganoon sila palagi. Iyong walang away at tampuhan.
Ang saya niya at kapayapaang nararandaman ay biglang tumigil nang makapasok si
