HALOS ayaw bitiwan ni Nicole ang isang urine cup na dapat niyang iabot sa med tech. Nagsalubong na ang mga kilay nito at bahagya nang nainip sa paghihintay.
“Ma’am?” untag nito sa kanya nang hindi na ito nakatiis.
Napapalunok na ibinigay niya rito ang cup na may lamang urine sample niya. Hinawakan ni Keith ang kamay niya at hinila palabas ng laboratoryo. Pinaupo siya nito sa hall bench.
“Do you want anything?” tanong nito. “A drink?”
Umiling siya. Wala pa siyang tulog ngunit hindi siya nakakaramdam ng antok. Labis siyang kinakabahan. Sigurado siya na hindi siya buntis at pilit niyang sinasabihan ang kanyang sarili na hindi siya dapat kabahan. Ngunit hindi pa rin mawala-wala ang kaba at takot niya.
Ano ang gagawin niya kapag positibo ang lumabas na resulta? She mentally shook her head
