Nang tuluyang mawala sa pandinig ko ang tunog ng sportscar ni Mr. Perell ay ibinagsak ko ang aking katawan sa silya na naroon. Hanggang ngayon ay gumugulo pa rin sa isip ko ang inakto ni Mr. Perell. Hanggang ngayon ay pilit ko pa ring hinahalukay na isip kung may ideya na nga ba sya sa tunay na ako.
Mayaman sya, Autumn. Parang mas kataka-taka na hindi nya malaman kaagad.
"Oh bakit ang bilis ng patakbo nung amo mo?" Tanong ni Fall nang pumasok sa bahay. Kasunod nito sila Winter at Summer na may dala nang isang plastik na mukhang almusal yata ang laman.
Agad na napangiwi ang mga ito nang mapansin si Selena na nakayapos nanaman sa aking braso.
"Wag mong itaas-taas yang peke mong kilay sa akin, Selena at baka buhusan kita ng tubig dyan!" Naiinis na wika ni Winter. Kahit kailan talaga ay h
